Plie ka Dalmia Bharat Foundation ïa ka DIKSHa center ba ar ha Meghalaya ban pynïar jinghikai

Shillong, Iaiong 7: Ka Dalmia Bharat Foundation, ka bynta CSR jong ka Dalmia Bharat Ltd. ka lah nang pynskhem shuh ïa ka jingthmu jong ka ban nang ai ki jinghikai ha ki lad ai kam ai jam(skill development) ha ka jylla Meghalaya da ka jingplie jong ka ïa ka jaka ai jinghikai kaba ar,ka DIKSHa center ha Thangksai, Lumshnong, Meghalaya.
Kane ka jaka hikai kan ai jinghikai ha ka Assistant Electrician course bad ka lah ban pynrung 120 ki khynnah.
U Ashok Kumar Gupta, CEO, Dalmia Bharat Foundation u batai, “Ka jingplie ïa ka DIKSHa centre ba ar ha Meghalaya ka pynpaw ïa ka jingpynskhem ïa ka jingkular jong ngi ban tei ïa ki kamai kajih lyngba ki jinghikai ha ki juk mynta. Ha Dalmia Bharat, ngi ngeit ba ngin ai jinghikai ïa ki khun samla ha kita ki bynta ba ki lah ban ïoh kam ïoh jam bad nang kiew ha ka jingim. Ngi sngewkmen ïa ka jingkyrshan ki nongshong shnong bad ïa ka sorkar Meghalaya ba lah don bynta ban pynwandur ïa kane ka lad.”