Shillong, Ïaïong 07: Arngut ki riew rangbah ba la kham rangbah na ka shnong Hollaidonga (WGH) da ka ktien ki la ïathuh ha Bhogularbhita OP (WGH), ba uwei u P Rabha ba la 60 snem ka rta na ka kajuh ka shnong u la ktah kti ïa ki. Kham hadien ki pulit ki la bat noh ïa u bad ki la phah ïa u bad ïa ki lanot sha ka PHC Tikrikilla na ka bynta ban leh ïa ka medical examination.
Shuh shuh ha kawei ka jingjia ki pulit ki la ïathuh ba u Dennis Marak u la phah ka jingujor ba ha ka 27 tarik u bnai Lber, 2025, u la jop ïa ka jingïasiat tim kaba T. 16,000/- napoh ka archery counter license No. 45/6 ha Lower Hawakhana, Tura (WGH). Hynrei haduh mynta u trai kane ka archery counter u khlem pat lah ban siew ïa ka pisa kaba dang sah kaba dei T. 6,000/-.
Ha kawei pat ka jingjia u Proprietor jong ka M/s Ayat Enterprise & authorized dealer ka tobacco product ‘Momin Biri’ u la phah ka jingujor pyrshah ïa ki 4 ngut ki nongshong shnong ka Tumni, Assam bad uwei u nongshong shnong ka Bharalgaon (WGH) ba ki la die thok ïa ‘Momin Biri’, naduh ka 14 tarik u Rymphang, 2023.
