Jowai, Nailar 26: Ka Jaiñtia Women Awakening Movement (JWAM) ka dap daka jingsngew sih bad jingsngew khia kaba jur halor ka jingshah pynïap jong ki arngut ki nongñiah kali kamai u Dameihipaia Papeng bad u Fullmoon Kharsohnoh haka kynhun ki riew thrangsnam.
Ka seng ka pynrem jur ïa kine ki riewbymman kiba la kup daka mynsiem ksuid ki bymdon shuh ka jingïatip lem wat paradoh parasnam ruh haka ba kila nud ban shim ïaka jingim briew. Ka jingim jong ki kamdei ban ïoh jingsuk nangne na pyrthei wat shaduh sha dwar U Blei ruh.
Shuh shuh ka seng ka ai Khublei ïaka tnad pulit ruh kaba shah shitom ban wad bad ïoh kem iakine ki riew thrangsnam kiba don kti. Ka seng ka kyntu ïaki bor ka aiñ ba kin ai da ka jing pynshitom kaba tyngeh ïakito ki riewthrang snam da kaba set phatok shi jingim lane daka ba phasi shisyndon ïaki.
Kum ka seng ka dap daka jingsngew khia haba peit ïaka imlang sahlang namar wat daki shynrang briew ruh kim shong shngaiñ shuh mynta.
Ha ka juh ka por ka seng ka phah ka khubor sha ki nong kamai kali kidei ban husiar bha khnang ban lait naki ne kiei kiei baroh. Ka phah ïaka khubor jingsngewlem sha ki ba ha ïing ha sem jong kine ki lanot bad U Blei Trai Kynrad Nongbuh Nongthaw Un kyrkhu kyrdoh ïaka ïing ka sem jong ki. Pynkut ka kyrwoh bala phah da ka seng.
