Palat 79 hajar kiba la pynkheiñ kyndon ilekshon ba ïoh pdiang lyngba ka C-Vigil APP

Shillong, Lber 29: Palat 79 hajar kiba pynkheiñ ïa ki kyndon ilekshon ba la lap lyngba ka C-Vigil app jong ka Election Commission of India. La lap ba naduh ba la pynbna ïa ka ilekshon 2024, lah palat 79,000 ki jingujor la lah ban ïohpdiang.
ïa kane la ïathuh da u Anuj Chandak, ECI Joint Director (Media) ha ka sngi Thohdieng.
Ki la don haduh palat 99% ki jingujor kiba la dep ban pynbeit bad jan 89% na kine ki jingujor la dep pynbeit hapoh ka 100 minit.
La palat ban ïa ka 58,500 tylli ki jingujor (73% na baroh ba la ïohpdiang kidei kiba la pynïeng beaiñ ïa ki jingtah poster bad ki banner. Palat 1400 ki jingujor la ïohpdiang ha kaba ïadei bad ka pisa, ki jingai sngewbha bad kaba sam kiad.
Lah jan kumba 3% jong ki jingujor 2454 kadei kaba la leh ha ki jaka jong ki jingdon jingem, na ka 535 ki jingujor la ïohpdiang bad ki pyni ïa ki tiar pynmynsaw, bad na kine kumba 529 lah dep ban pynbeit.
Kumba 1000 ki jingujor la lap ba ki la pynkut shaba palat ka por ban pyndonkam ïa ki kor pynsawa.
Lah ban pynkynmaw ba ha ka jingïakren bad ki lad pathai khubor hadien ba la pynbna ïa ka General Election 2024, u Chief Election Commissioner u Rajiv Kumar u la kyntu ïa ki nongshong shnong ban long kiba peitngor bad ban pyndonkam ïa ka app ban pyntip lada don kiba pynkheiñ ïa ki kyndon ilekshon da kiba bun ki kam.
U la ong ba ka C-Vigil ka dei kaba biang ban pyndonkam bad kaba suk ban pyndonkam ban pynïasoh ïa ki nongshong shnong da ka District Control Room, Returning Officer bad ki Flying Squad Team.
Da kaba pyndonkam ïa kane ka app, ki nongshong shnong ki lah ban pyntip mardor ïa ki jingjia leh be-aiñ bad ban leit bran bran sha ki ophis returning officer.
Kiba bun ki lad kiba lah ban pyndonkam da ka C-VIGIL kaba lah ban long kaba jop. Ki nongpyndonkam ki lah ban ring sur, ki dur bad ki video ha ka por kaba dei.
Da kane ka mut ba ki flying squad kin tip ïa ka jaka kaba la pynkheiñ aiñ, bad ki dur ba la shon da ki nongshong shnong lah ban pyndonkam kum ki sakhi ha ka aiñ.