Noh synñiang ka DMF da ki tiar sha ki khynnah skul bad ki Centre ha EJHD

0

Khliehriat Risaw 2: Ka ophis u Deputy Commissioner ka East Jaiñtia Hills District, ha ryngkat ka jingïatreilang bad ka District Mission Coordinator, SSA East Jaiñtia Hills District hynnin ka sngi ka la noh syniang da ki tiar donkam ki khynnah skul ha kaba la noh syniang sha ki 413 ngut ki khynnah kiba pule ha ki skul bad kumjuh ruh sha ki 28 tylli ki centre kiba dei ki Non-Resident Special Training Centre, ïa kane ka jingnoh syniang la bei tyngka da ka Distric Mineral Foundation Trust (DMFT).
La ong ruh ba kitei ki 28 tylli ki centre ki dei ki shlem ai jingnang jingstad kiba pynlong skul ha ka por jan miet, ha kine ki shlem (centre) la ju wan pule da ki khynnah kiba la pep skul noh tang shiteng por bad ka jingthmu jong kine ki centre ka long ban pynwan pat ïa kito ki khynnah kiba la pep skul noh tang shiteng por.
Ïa ka jingsam ïa ki tiar sha ki khynnah skul la pynbit pynbiang da ka ophis u Deputy Commissioner ha ka jingdon ryngkat lang u District Child Protection Officer lem bad ki nonghikai.
Ki tiar ba la sam sha ki khynnah skul ki kynthup naduh ki let, ki khulom, eraser, ki shatri, ki pla kit kot, ki torch light, ki sharpeners, ki let rong (crayon), ki sketch book colouring, ki chalk, physical map jong ka ri India bad ka World Vegetables Chart, Alphabet Chart, First Aid Box, ki almirah match kits box, ka Green Board bad ki jersy football.
Kiba la ia don lang ha kane ka prokram ki kynthup u Deputy Commissioner ka East Jaiñtia Hills District, u A. Baranwal, IAS, u ADC East Jaiñtia Hills, u bah J.Shylla, ka Block Mission Coordinator (BMC), ka kong T. Challam, ki District Mission Coordinator (DMC), East Jaiñtia Hills District, u bah O Sumer bad u bah . S. Laloo, u District Mission Coordinator (DMC), East Jaiñtia Hills District, u bah L. Pohti,u Project Manager DMF Trust, ki nongtrei jong ka Sarva Shiksha Abhiyan (SSA), ki nonghikai bad ki khynnah skul.

Leave A Reply

Your email address will not be published.