Mih pynkhuid shnong ka DS Mukhla Nongrim

Mukhla Risaw 02: Ka Dorbar Shnong Mukhla Nongrim hapoh ka jingïalam u Waheh Shnong bad u Secretary Shnong kala pynlong ïa ka jingpykhuid shnong ha kane ka sngi Saitjaiñ ha ryngkat ka jingïamih paidbah naduh ki khun samla shynrang bad kynthei, kumjuh ki longkmie longkpa jong ka shnong.
La pynlong ïa kane ka jingpynkhuid shnong shi bynta ban ïa snohkti lang bad ka ri India ban rakhe ïa ka lyngkhuh sngi kha u Mahatma Gandhi, la ïathuh ba ki khun ka shnong ki la ïa mih paidbah ban pynkhuid ïa ki jakhlia jakhlait kiba don ha shi lynter u surok bad kumjuh ïa ki umbam umdih bad ïa ka um sait thad ka shnong.
Ha kane ka sngi pynkhuid shnong la wan ban ïa shim bynta ruh da iwei na ki longkmie iba la niaw ka rta Senior Citizen hapoh ka shnong Mukhla Nongrim bad ita i dei i Mei ïeid Miket Blah bad iba ju long ruh i nonghikai barim ha ki snem mynshwa.
Ïa ka jingpynkhuid la sdang naduh ka por 9 baje mynstep na pyhllaw jong ka office treikam ïing Dorbar Hall ka shnong bad bud pat ter ter bad hashwa ban sdang ïa kane ka jing pynkhuid shnong la ïoh ïa ki jingkren lyngkot na u Waheh Shnong Rgh, B. Suna, u Secretary Shnong Rgh, S. Sari bad la ïa shim bynta ruh ha kane ka sngi da ki nongïalam jong ka Village Organization (VO) Mukhla Nongrim bad ki dkhot jong ka Mukhla Nongrim Sport Club.