Ngi dei ki high level ba wanrah ïa ka roi ka par ngi ai khublei ïa kiba jer kyrteng : Gigur

0

Shillong, Rymphang 13: U kyrtong ka National People’s Party (NPP) na Mawshynrut, u Bah Gigur Myrthong uba dei ruh u MLA bad MDC u la ai khublei ïa ki briew kiba jer kyrteng ïa ka NPP da ka ‘high level’, bad kynnoh da kita ki nongtuh nongshukor.
“Hooid ngi dei ki ‘high level’ ban wanrah ïa ka roi ka par, ngi dei ‘high level’ ban wanrah ïa ki skhim bapher bapher,” la ong u Bah Gigur haba kren ha ka jingïalang ïalap election ha ka shnong Nongtrai.
U kyrtong ka NPP u la pynpaw ka jingkyrmen ba ki paidbah kin stad bad kim dei shuh ban shah pynbiej ha ka jingbang jong ka ktien. “Kiwei ki bang shisha ka ktien, nga te ka ktien ngam bang, nga bang da ka kam,” u la ong.
“Nga ai khublei ïa kito kiba ong ‘high level’ namar ki stad bha ban ai ïa ka kyrteng ba wat ngi ki trai ym pat bna ïa kata ka kyrteng, hynrei ma ki ki la ai ïa kata ka burom ba ngi stad ban wanrah ïa ki kam pynroi,” la ong u Bah Gigur.
Ha kane ka jingïalang kaba la poi da ki hajar ngut ki paidbah jong ka thaiñ, u kyrtong ka NPP u la ong ba kum u MLA u la leit ban wad ïa ki lad ki lynti na ki tnat Sorkar bapher bapher. U la ong ba ha u snem 2018 ha ka por ba u leit ban pan jingkyrshan ha ka election, ki paidbah ki la kren shai tang kawei ba lada u pynïoh ïa ka surok kin ïathep bad kti bad kjat sha u.
“Nga kyrmen skhem mynta ba kin ïathep tang ka kti kata ka lah biang,” u la ong shuh shuh.

Leave A Reply

Your email address will not be published.