Shillong, Lber 08 : Ki pulit jong ka jylla Meghalaya ki la nang pynkhlaiñ shuh shuh ban ïakhun pyrshah ïa ki kam khaïi drok ha kane ka jylla bad ha ka miet 7/3/2023 ki la ïoh ban kem ar ngut ki briew kiba kiba kynnoh don kti ha ki kam khaïi drok.
Na kine ki ar ngut ki la ïoh ban kurup saw song u drok, ba shong dor T.25 lak tyngka. La kurup ïa ka Scooty kaba ki pyndon kam bad na ki la ïoh ban kurup ar tylli ki phone, ki pulit ki la bud dien bha bad ki la ïoh ban kem ha ka por kaba biang ïa kine ki ar ngut.
Ka jingtrei shitom jong ki pulit ban ïakhun pyrshah ïa ki nongkhaïi drok ka long ban ïada ïa ki hajar ngut ki paid nongshong shnong ba kin lait na kine ki jingdih kiba sniew kiba ktah ïa ka imlang sahlang, na ka liang jong ki pulit kin dang ïai pynkhlaiñ shuh shuh ban ïakhun pyrshah ïa kine ki nongkhaïi drok.
