Nga mih namar ngam ïahap ïa ki policy u Bah Prestone bad ba leh thut ki nongïalam jong u: Anthony

Ka CSD la shu plie tang ban dep rukom

0

Shillong, Rymphong 06: U kyrtong ka UDP na Pynursla uba dei ruh u nongkyrshan ba radbah jong u Bah Prestone ha kine ki snem kiba la dep u bah Anthony Kongwang u la ong ba ka jingmih noh jong u na ka NPP ban rung sha ka UDP ka dei namar um ïahap ïa ka jingtrei u MLA ka Pynursla u Bah Prestone Tynsong bad ba ka don ka jingeh thut ki nongïalam ïa u kum uwei na ki para ba ïatreilang na bynta ka party.
“U MLA jong ngi u leit mih sha constituency shisien 5 snem bad ngam ïahap ïa kane bad ha ka por khim khait ki paidbah kim ju ïohi ïa ka syrngiew jong u MLA bad nga lap ruh ba ha ka jingïatrei ha kine ki snem kiba la dep ba kam don ka jingïashaniah ba markylliang para nongïalam bad nga lei nga la shah pyni ba ki thut ïa nga,” ong u bah Anthony haba kren bad ki lad pathai khubor.
“Ka Civil Sub Division ha Pynursla ka la don bad phi ïohi ba ngi hap ban wan thep kyrteng shaduh shane namar kane ka ophi kam pat lah ban treikam kumab ka dei hok wat hadien san snem ba la plie ïa ka bad kane ka jingplie ruh ka dei ka jingleh tang ban dep rukom suda ban pynthame ïa u paidbah,” kynthoh u Bah Anthony.
U la ïathuh ruh ba kum u khun trai ka Riwar Mihngi u tip bha ïa ka jingeh ki paidbah ki ïa kynduh la ha kaba ïadei bad ka jaka sumar, ka pule puthi ka kamai kajih, ka ïohkam ki samla bad kiba bun ki mat kiba u la buhthong na bynta ka jingmyntoi ki paidbah ka thaiñ.
Haba ïadei bad ka jingmih ki jingkynthoh ba u dei tang u kyrtong bula ba pynïakhun da u Bah Prestone, “Lada ki sngew ba pynïeng u Bha Prestone te kyrshan beit ïa nga keiñ kata namar ka vote ba phi thep sha nga ruh ka long kumba kyrshan ïa uta uba phi kynnoh ba u pynïeng ïa nga,” ong u Bah Anthony.

Leave A Reply

Your email address will not be published.