Shillong Rymphang 24: U Independent MDC uba dang shu shah jop thymmai ka Laban-Mawprem constituency u Bah Ricky Shullai u la ong ba ka la dei ka por ban wengnoh ïa ki rukom ïalap elekshon kiba wanrah ka jingsngewbha hynrei lyngba ka jingïalap kaba jai jai.
“Ki Election kim dei ki festival. Ka Election kadei na ka bynta ka bha ka miat jong baroh ki briew kumta nga la rai ban ïalap elekshon da kaba jar jar ha kaba nga la kynduh ïa ki paidbah manla ki thliew ïing bad da ka jingjop jong nga ,nga lah ban ong ba ki paidbah ka Laban-Mawprem constituency ki la pdiang ïa kane rukom ïalap,” ong u Bah Shullai.
U Bah Shullai u la ong ba watla u la shah rem ha u snem 2019, hynrei u la bteng ban trei na ka bynta ki paidbah ka Laban-Mawprem constituency.
“Watla nga rem ha u snem 2019 ka MDC election, ki paidbah ka Laban-Mawprem constituency ki dang ïai kynmaw ïa nga bad ki phai sha nga ha kano kano ka por ba ki donkam ka jingïarap,” u la bynrap.
U la bynrap ba ki paidbah ka Laban-Mawprem constituency ki la pynjop ïa u briew uba trei ym ïa ka party. “Nga la dep ban rai bad no ngan ïatrei hynrei ngan pynthikna ïaphi ba ngan trei na ka bynta ka bha ka miat ki paidbah ka constituency,” u la ong.
