Nang jur ka jingjaboh ka Byrnihat kyrpad u MLA ïa ka Sorkar Jylla ban shimkhia

0

Nongpoh, K’Lyngkot 29: U MLA ka Jirang Constituency u Bah Sosthenes Sohtun u la pynpaw ka jingsngewkhia kaba jur ha kaba ïadei bad ka jingjaboh jong ka thaiñ Byrnihat na ka tdem ba mih na ki karkhana bad katei ka jaka mynta ka la ïoh nam biang kum ka jaka ba jaboh tam ha ka ri India.
Haba kren bad u Mawphor mynta ka sngi na ka liang u MLA u la pynpaw ka jingsngewsih ban ïohi ïaki tdem ba mih na ki karkhana bad na ka liang jong u dalade hi u la ïoh mad ïa kane ka tdem namar ba u shong u sah ha katei ka jaka.
U la ong ruh ba dang ha kine ki khyndiat sngi la ïohi biang ïaki tdem ba mih na ki karkhana kaba la ishyrkhei katkum ki video bala saphriang bala ïoh ring ruh da ki paidbah bad katei ka tdem kam dei tang na kawei ka karkhana hynrei ki la bun ki karkhana ha katei ka thaiñ.
Na ka liang jong u, u la kyntu ïa ka sorkar bad ka Meghalaya State Pollution Control Board ban shim da ki lad ki lynti kiba tyngeh bad kiba kham pyrkhing pyrshah ïa kitei ki karkhana kiba ïaid lait ïaki kyndon namar ka jingkamai pisa jong ki kam dei pat ban buh ïaki paidbah ha ka jingma bad ka jingkordit.
Na ka liang jong u u la kyrpad ruh ïa ka tnad MSPCB ba kadei ban leit man ka por ban pynlong ka jingjurip ba kynsan ban lap ïaki jingshisha namar lada kitei ki karkhana ki ïoh jingtip ki pynsangeh lut ïaki kam bad ym lah ban lapdien satia.

Leave A Reply

Your email address will not be published.