Shillong, Nailur 20 : U Myntri Rangbah ka jylla, Conrad K Sangma ha ka sngi Balang u la ong ba ka Meghalaya Residents Safety and Security Act (MRSSA) 2016 kan treikam kumba la buh naduh ba sdang.
Ha ka jubab ba wanrah ha Ïing Dorbar, u Myntri Rangbah u la ong ba ki sienjam ba ka sorkar ka shim ban pyntrei kam ïa katei ka aiñ ki kynthup naduh ka jingthaw ïa ki district task force ha baorh ki distrik abd ka jingpyllait paidbah ïa ka webportal https//megrssa.nic.in/ ka long ban ailad ïa ki trai ïing ba kin ai ïa ki jingtip kiba ïadei bad ki nongshong wai kaba long katkum ki kyndon jong ka MRSSA, 2016.
U pyntip ruh ba kum ka jingpyrshang la jied ïa ki hynñiew tylli ki shnong ba don ha sor shillong ba kynthup ïa ka Nongrim Hills, Pohkseh, Nongrah, Nongmensong, Lapalang, Riat Laban bad Wahdienglieng ban pyntreikam ha ka kylla kaba nyngkong.
Shuh shuh ha ka jubab u la pyntip ruh ba ka jingai jinghikai kaba bniah ïa ki rangbah shnong bad ki nongïarap jong ki kumno ban pynrung kyrteng ha ka webportal la dep ban pynlong da ka ophis Deputy Commissioner ka East Khasi Hills.
