Shillong, Jymmang 04: Ka Meghalaya ka la jied ïa ka kynhun kaba don 18 ngut ki nongïalehkai ban sa ïalam da u coach ba la shemphang bha u bah Jeffrey Warlarpih na ka bynta ka lympung phutbol Swami Vivekananda U-20 Men’s National Football Championship 2026, ka ban long ha Narainpur, Chhattisgarh.
Ha kane ka lympung ka Meghalaya ka la shah pynïakap ha ka Group A kaba don san tylli ki kynhun ba kynthup ïa ka Bihar, Andhra Pradesh, Rajasthan bad ka Jharkhand.
Ka kynhun jong ka jylla kan sdang ïa ka jingïalehkai ba nyngkong pyrshah ïa ka Bihar ha ka 09 tarik Jymmang, nangta bud sa ki jingïalehkai pyrshah ïa ka Jharkhand (11 tarik Jymmang), Andhra Pradesh (13 tarik Jymmang) bad ïa ka Rajasthan (17 tarik Jymmang)
Ha u snem ba la dep ka Meghalaya ka la khyllem noh na kane ka lympung ha ka semifinal katba ha u snem 2024 ka la liem noh tang ha ka group stage, kumta haba bishar ka la don ka jingkiew ha ka jingïalehkai bad mynta u snem 2026 ki khynnah shynrang kin thrang ban ïaid kham sha jngai.
Shuwa ba ka kynhun kan leit ban ïashim bynta ha katei ka lympung na ka liang jong ka Meghalaya Football Association, hynne ka sngi Nyngkong ka la pynlong ïa ka jingïalang kitbok kitrwiang ryngkat ki kyntien ai mynsiem na u General Secretary ka MFA bah Sunesh Syiem, u Vice-President bah Cliff Nongrum bad kiwei kiwei ki dkhot ba kham rangbah – bah Dipshon L Nongbri bad bah Freddy Kharpran.
Ka kynhun ïalehkai jong ka Meghalaya:
Goalkeeper: Jovialstar L Lyngkhoi, Kangkam G Momin
Defender: Bipiush G Marak, Damitre Kynjing, Imeral Jana, Pynshailang L Nonglait, Shemkupar Massar, Defender Sylliang
Midfielder: Phermanbha Lyngdoh, Sholinstar Syngkli, Gerald Ebenezer Kharbyngar, Menangpyndap Khongjee, Dawansalanmi Malang
Forward: Mebanlamlynti Masharing, Alex Manar, Ryan Gibbs Kharnaior, Samborlang Langte, Banganson Nongphlang
Support staff: Jeffrey Warlarpih (head coach), Khrawbok Syngkli (assistant coach), Amit Rai (manager), Banisha Lapasam (physio)
Ka prokram ïalehkai jong ka Meghalaya:
pyrshah ïa ka Bihar, 09 tarik Jymmang
pyrshah ïa ka Jharkhand, 11 tarik Jymmang
pyrshah ïa ka Andhra Pradesh, 13 tarik Jymmang
pyrshah ïa ka Rajasthan, 17 tarik Jymmang