SHILLONG, Nailar 09: Kum shi bynta ban snohktilang ha ka ban rakhe ïa ka Sngi kyrpang jong ka Mariang lane ka World Environment Day, ka Meghalaya Veteran Table Tennis Association (MVTTA) kan sa pynlong ïa ka rynsan ïalehkai Table Tennis ïa kaba la tip da ka “Meghalaya Masters Table Tenis Team Championships” kumba ju pynlong barabor man u snem.
Lah ban kdew ba kane ka dei ka sien kaba 6 ban pynlong ïa kane ka Tournament ban pynïalehkai ha Polo Stadium Shillong mynta ka Sngi Saitjaiñ (10 tarik Nailar, 2024). Baroh ki nongïalehkai Table Tennis kiba ha ki por mynshwa kiba la shah thup ha ka Masters kiba na ki District bapher bapher ka jylla Meghalaya kin ïashimbynta ha kane ka lympung kum kawei ka kynhun.
Kin don baroh 8 tylli ki kynhun ki ban ïaknieh na bynta ka burom lahduh, kine ki kynthup ïa ka Go Green, Stay Fit, Save Fuel, Swachh Bharat, Save Trees, Save Water, Save Earth bad ka Protect Nature.
Ka jingsam ïa ki khusnam yn pyndep ha kajuh ka sngi hadien ki jingïalehkai.
