SHILLONG, Nailar 09: Ka Lamlynti Madanlyngkhi FC bad ka Mawshbuit SC ki la ïoh ban khur mar shi point hynne ka Sngi Thohdieng hadien ba ki la ïakhaid da mar 2 kol ha ka jingïalehkai jong ka lympung 3rd Division 2024 ba la pynïaid da ka Shillong Sports Association, ha SSA Ground, Polo.
Ha ka jingïalehkai, ka Lamlynti Madanlyngkhi FC kaba la ïoh pynkhihjar nyngkong lyngba u Ksankupar khongngaiñ (15 min), hynrei u Lurshai Wankhar u la pynïakhaid na bynta ka Mawshbuit SC (25 minit) shuwa ban thep ïa ka kol kaba ar (27 minit).
Ka Lamlynti FC ka la ïakhun shitom ban pynphai ïa katei ka shi kol bad ha ka 36 minit u Kyrmenskhem Nongbet u la pyllait im ïa ka kynhun da kaba pynkhih ïa ka kol pynïakhaid.
