Mynta yn ïaknieh rung final ka Meghalaya bad ka Arunachal Pradesh ha ka U-17 Subroto Cup 2024
Shillong, Nailur 07: Ka Mynken Christian Higher Secondary School (Ri-Bhoi District) kaba la mihkhmat ïa ka Meghalaya sha ka lympung U-17 boys’ Subroto Cup 2024 ha nongbah New Delhi, kan ïakhun ïa ka semi final ba nyngkong mynta ka sngi pyrshah ïa ka Arunachal.
Kumban shu pynkynmaw, ka Meghlaya ka la long ka lahduh jong ka Group F da kaba jop baroh lai sien lynter ki jingïalehkai pyrshah ïa ka Bihar, Chandigarh bad ka Dadra & Nagar Haveli and Daman & Diu, bad ha ka Group stage ka la ïoh ban pynkhihjar haduh 29 kol baroh.
Ha ka semi final kaba ar ka Sri Lanka Schools Football Association kan aireng ïa ka T.G English School, Bishnupur, Manipur.