Shillong, Lber 05 : Ki 59 ngut ki MLA kiba dang shu dep shah jied ha ki paidbah ha kane ka election MLA 2023 kin bam smai la shai ka sngi ha ïing Dorbar Thawaiñ ka jylla ha Rilbong ïa kaba yn sa pynsmai ïa ki da u Pro-tem Speaker ne u Lamphang ba shipor u Timothy D Shira.
Ha kane ka ïing Dorbar kaba khatwei jong ka jylla ki MLA kiba rim kiba la shah jied biang ha ki paidbah na ki 59 ngut ki MLA barim kiba la shah jied biang ki long 37 ngut bad kiba shah jied thymmai ki don 22 ngut.
Ha kane ka ïing dorbar kaba mynta ki don lai ngut ki kynthei, ka kong Santa Mary Shylla na ka party NPP na Sutnga-Saipung , Dr. Mazel Ampareen Lyngdoh jong ka NPP na East Shillong, bad ka Miani D Shira jong ka All India Trinamool Congress na Amapti.
