Jowai, Lber 08: Ka Dorbar mang tyngka jong ka Jaiñtia Hills Autonomous District Council (JHADC) Jowai kaba la sdang naduh hynnin ka sngi 7 tarik u Lber la pynkut mynta ka sngi 8 tarik u Lber, 2023 ka Dorbar kala mynjur ïa ka mang tyngka na ka bynta ka jingpyllut jong ka snem 2024-2025.
Kane ka mang tyngka ka kynthup ïa ka jingpyllut kaba T.218,22,60,300 (Arspah khadphra klur Arphew ar lak hynriewphew hajar lai spah) tyngka, katba ka jingmih pat ka long T. 204,63,23,500.00 (Arspah saw klur Hynriewphew lai lak ar phew lai hajar san spah) tyngka bad ka paw ba ka jingpyllut ka heh ban ïa ka jingïoh kaba kot haduh T.13.59,36,800 (Khadlai klur Sanphew khyndai lak Laiphew hynriew hajar phra spah) tyngka
Katkum ka report ba la wanrah na ka bynta ka jingpynlut ka Council la pynbynta sha ki 17 tylli ki tnad treikam hapoh jong ka JHADC.
Kine ki tnad kiba kynthup ïa ka General Administration kaba long T.11,76,48,200 tyngka, Finance & Accounts Department T.31,33,19,000 tyngka, Land Revenue & Land Reform Department T.11,38,71,500 tyngka, Land Record & Land Settlement Department T.10,38,89,400 tyngka, Taxation Department T.4,59,13,300 tyngka, Forest Department T.16,41,24,000 tyngka, Political Department T.4,34,93,200 tyngka, Civil Works Department T.64,57,92,200 tyngka, Education Department T.24,97,57,100 tyngka, Art and Cultural Department T.2,37,37,400 tyngka, Market Department T.19,95,91,900 tyngka, Statistics and Information Department T.1,51,79,200 tyngka, Stationary & Printing Department T.1,42,34,800 tyngka, Planning Department T.1,20,41,900 tyngka, Judicial Department T.3,09,20,400 tyngka, Legislative Department T.7,89,54,800 tyngka, Village and Town Administration Department T.97,92,000 tyngka.
Hadien ba la dep pynsngew da ki EM i/c jong kitei ki tnad treikam ka Council na ka liang ka Dorbar kala pdiang ïa katei ka mang tyngka (2024-2025) kaba duna haduh T.13.59,36,800.
