Mih noh u President Youth Wing HSPDP bad ki nongïalam, kwah leit ïasoh bad ka VPP

Shillong, Naiwieng 01: Namar ka jingbymhun ïa ka rukom treikamn jong ka Party, u President jong ka seng Hill State People’s Democratic Party (HSPDP) Youths Wing u Bah Sandondor Ryntathiang ryngkat bad kiwei kiwei pat ki nongïalam na ki District Unit mynta ka sngi, kila pynbna ba kila mih na ka seng .
Ha ka jingiakren bad ki lad pathai khubor U Bah Sandondor ula pyntip ruh ba ia ka shithi iehnoh kam jong u ula phah mynta ka sngi hi sha u President ka HSPDP U Bah KP Pangniang.
Haba pyrshang ban kylli ia ka daw jong ka jingiehnoh kam jong u na ka liang u Bah Ryntathiang ula iathuh ba ma u bad ki nongbud jong u ki la kwah ban leit pyniasoh noh bad ka seng Voice of The People Party kaba don ïa ka shab jong u Prah namar u ïohi ba ha kane ka party kaba don ki nongrim kaba skhem ka don ruh ïa ki nongïalam kiba khlaiñ bad ba biang ka rynieng rynïot ban ïalam.
Haba kylli, u la ïathuh ba ka daw jong ka jingmih noh na ka Party ka dei namar kum ki nongïalam jong ka Youth Wing kim ïoh satia ïa kano kano ka lad ban ïakren ïatai bad ban pynkhlaiñ ïa ka party namar ka jingtlot palat ki nongïalam ka Party.
Kiba la mih lang bad u Bah Sandondor ki long u Bah Sequacious Pakma, Vice President Youth Wing bad Convener ka East Jaiñtia Hills, U Helvi Stone Nongbri, Vice President Youth Wing, u Balumlang Nongbri, Vice President RiBhoi bad 14 ngut kiwei pat.