Mih noh u MDC Saipung na ka party NPP ban kyrshan ïa u kyrtong ka UDP, u Shitlang Pale

Khliehriat Rympnag 06 : U MDC jong ka Saipung, u bah Arbor Hima Darnei, lem bad ki nongkyrshan jong u, mynta ka sngi u la mih noh na ka party NPP bad ki la wan ban pynisaoh bad ka party United Domocratic Party halor ka jingthmu ban kyrshan ïa u bah Shitlang Pale, u kyrtong ka UDP na ka 5- Sunga Saipung Constituency.
Na ka liang utei u MDC, u la pynpaw ba ma u lem bad ki nongbud jong u, ki la rai ban kyrshan radbah ïa u bah Shitlang Pale namar ka jingshim khia jong u kum u nongmihkhmat uba ju peit ïa ka khia ka shon jong ka thaiñ hi baroh kawei, la ong ruh ba u bah Shitlang Pale, ha ki snem kiba la leit u la lah ban pynioh surok ha ki shnong kiba don ha ka thaiñ Saipung, ha Thuruk bad u la lah ruh ban pynioh ïa ki jingkieng ba heh ha ka wah Lunar ha shnong Khaddum bad ha ka wah Khynriam kaba don hapdeng ka surok Saibual bad Moulasei bad la khmih lynti ruh ba un sa nang ïai bud dien shuh shuh ban wanrah ïa ka roi ka par ha ka thain, kumta u bah Darnei lem bad ki nongkyrshan jong u ki la rai ban pyniasoh bad ka UDP.