Shillong, Nohprah 03: Ki la don haduh 15 ngut ki heprit ïalehkai kriket ka jylla kiba la shah jied ban aireng ha ki ar tylli ki jingïalehkai jong ka U-16 Boys’ Vijay Merchant Trophy 2024-25, kaba dei ka lympung ïalehkai jong ka Board of Control for Cricket in India (BCCI).
Na ka liang ka kynhun ki nongjied ïa ki khynnah shynrang na ka Meghalaya Cricket Association ka la dep jied ïa katei ka kynhun bad kan hap pat ban peit bniah biang ïa ka rukom ïalehkai jong ki hadien ba la kut ki ar tylli ki jingïakhun sdang.
Ka kynhun ïalehkai ka Jylla kan hap ban ïakhun nyngkong pyrshah ïa ka Andhra Pradesh naduh ka 06 tarik – 08 tarik Nohprah bad hadien kane pat kan hap ban aireng sa ïa ka kynhun ïalehkai jong ka Hyderabad naduh ka 11tarik haduh ka 13 tarik u Nohprah. Kine baroh ar tylli ki jingïakhun kin long ha Lucknow.
Related Posts
Ïa mynta kine ki heprit ki la don ha ka jingkilan met kaba paka kaba long ha Shillong bad kumjuh ha Nongkhrah,Ri Bhoi District naduh ka 17tarik Naiwieng. Ka kynhun ka la mih ha kane ka sngi Ba-ar ban leit sha Uttar Pradesh.
Kane ka kynhun ka kynthup ïa u Mannan Surana, Trejosh Dey, Raunak Srivastava, Sameer Choudhary, Samelawan S Nongkseh, Krishiv Choudhary, Udit Pradhan, Trijal Agarwal, Aryan K Ray, Benhaden N Marak, Jakrasil Chuseng R Marak, Jamesbirth C Sangma, Damechua Khongsngi, Mewankitbok Kharpuri, Doangkam C Marak,
Ki nongïalehkai pynap : Abhijit Chanda, Chukam Matsram D Shira, Eshan Siangshai, Gurjit Singh, Abagtha Marak
Ki nongïarap ka kynhun : Sengam G Momin (Head Coach), Shankar Newar (Assistant Coach), Karma Sangma (Physio), Santosh Ram (Trainer) bad u Robert Z Ralte (Manager).