Jowai, Naiwieng 14: Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun hapdeng ka Nangbah Mulang pyrshah ïaka Khimusniang kine ki ar kynhun kila poi sha ka jingïakhiad da mar shikol (1-1), ïa kala kol kaba nyngkong la thep da Khimusniang haka minit ba 17 lyngba u Precious Tang jong ka kylla step.
Hynrei na ka liang ka kynhun jong ka Nangbah Mulang kala ïakhun tyngeh ban pynphai kylla ïa katei ka shikol bad dei haka minit ba 28 jong ka kylla step hi, na ka liang rangïalehkai jong ka u Wollrick Susngi ula ïoh ban pynphai ïa ka shikol haka minit ba 28.
Ka jingïakhun haka kylla miet kala nang kham itynnad shuh shuh ha kaba baroh ar kynhun kila pyrshang ban pyntam iwei ïa iwei hynrei haduh ba kut jong ka por kim shem la ïoh ban thep kol satia kaba la pynlong ïa ki ban ïasam noh mar shi point. La pyntip ba ka jingïakhun mynta ka sngi 14.11.2023 kan long hapdeng ka Ladthadlaboh pyrshah ïa ka 7 Wasa United haka por 1 baje shiteng nohphai sngi.
