Khliehriat, Risaw 14: Ka Dorbar Shnong Mookhep, East Jaiñtia Hills District, ka maham jur ïa ki briew kiba wan ban bert ñiut pathar hapoh u pud u sam jong ka shnong, ka Dorbar Shnong ka la buh ïa kane ka jingmaham dei namar ba ki briew shnong ki la lap ba don ki ñiut kiba la shu bret pathar harud ki lynti shnong bad la ithuh ba ki dei kiba la shu wan bret da ki briew kiba na bar shnong.
Ka Dorbar Shnong Mooopkep ka pynrem jur ruh ïa katei ka jingleh khlemakor ki briew kiba na bar kiba la wan ban bret pathar ïa ki ñiut bad ong ruh ba na ka liang ka shnong kan bud dien halor kane bad lada lap ïa kino kino ki briew kiba wan bret ñiut khlemakor ki bor shnong kin leh da kaba tyngeh bad pynshitom katkum ki aiñ shnong, kane ka long katkum ukyrwoh ba la phah da u Waheh Shnong Mookhep, u bah Denis Siangshai.
