Mad namrem ka Ladthalboh, jop ka Umkseh bad ïakhaid ka Mawten bad ka Seven United ha ka MSL 2023
Shillong, Jymmang 26: Kadei ka jingïakhun kaba nyngkng ha ka Meghalaya State League ba ki jingmih na ki jingïakhun ki long kiba kham pher bad kham phylla. Kane ruh kadei ka sngi ba kaba pynkyndit ïa ka Ladthalboh kaba la mad ïa ka jingshah rem da 1-0 kol ha ka Youth Club Pdengkarong ha ka jingïakhun ha Kiang Nangbah Stadium, Jowai kaba lah ruh ban ktah ïa ka kynhun wat ban rung sha ka semi final.
Ha kiwei pat ki lympung ïakhun, ha ka Group A la ïohi ïa ka Umkseh kaba la ïoh ban pynphai shi kol ban tam bad pynliem noh ïa ka Jyntru da 3-2 kol ha ka jingjop kaba nyngkong ha katei ka samoi. Kane ka la jia ruh kumjuh ha ka Group D ha kaba ka Atong Matgrik ka la ïoh ban pynkylla khongpong ïa ka jingïakhun kaba kut da 3-2 ha ka kylla step sha ka 4-3 ha ka kylla pynliem bna pynliem ïa ka Warima Youth Club. Kane ruh kadei ka jingjop kaba nyngkong na bynta ka Atong ha ka MSL 2023.
Haba phai sha ka Group C, ka Mawten bad ka Seven United ka la ïoh ban ïa sam mar shi point hadien ba ka jingïakhun ka la kut noh da ka jingïakhaid kaba khlem don mano mano ruh ba ïoh ban thep kol.
Ha kane ka thup, ka lad ka plie pat mynta ia ka Rangdajied United ban ioh bat kum ka kynhun ha khlieh duh jong ka miej kheiñ point na ka Group B watla ka Rangdajied bad ka Ladthalboh ki don mynta mar 10 point. Haba phai sha ka Umkseh, Jyntru bad Umrit watla kitei ki don mynta mar saw point hynrei ka lad ka kham noh sha ka Umrit ban jam shakhmat namar ka dang sah sa kawei ka jingiakhun.
Ki jingïakhun mynta ka sngi (Sngi Saitjaiñ) ha ka Group A kin long hapdeng ka Umrit pyrshah ïa ka Mawlai ha ka por 3:00 baje ha Shillong, nangta ha Jowai pat ka jingïakhun ha ka Group B kan long hapdeng ka Mulait United pyrshah ïa ka Sein Pynbhalang ha ka por 2:30 janmiet, ha ka Group C kaban long ha Mawkyrwat kan long hapdeng ka Shillong Lajong pyrshah ia ka Pyndengrei ha ka por 3:00 baje bad ha ka Group D ha Tura pat kan long hapdeng ka Selsella Sports Association pyrshah ïa ka Chipakkore ha ka por 3:00 baje janmiet.