Lyngba u CM phah pan lynti rel ki MLA South Garo Hills ha ki thaiñ Baghmara ter ter shaduh Bangla

Shillong, Lber 03 : Ki MLA na South Garo Hills District ki la rai ban kyrpad ïa u Myntri Rangbah ka Jylla Conrad K Sangma ban ïa kren bad ka sorkar pdeng na ka bynta ban pynpoi ïaka lynti rel haduh Baghmara.
Haba kren bad ki lad pathai khubor ha ka sngi Nyngkong, u Myntri ka tnad Pule Puthi ka sorkar jylla, u Rakkam A Sangma u la ong, “Manga ryngkat bad saw ngut ki MLA na ka distrik ngin sa kynduh ïa u Myntri Rangbah ban ai ïa ka dorkhas na ka bynta ban pynpoi ïa ka lynti rel na Guwahati shaduh Mendipathar, Baghmara bad ruh shaduh Dhaka.”
U la ong ruh ba kane kan long kum ka kad khaii kaba heh bha hadien habud khamtam ha ba ka ju don ka khaii pateng kaba jur bha ha ki snem ka jingïoh laitluid jong ka Ri, khamtam eh ha ki bynta jongka South Garo Hills.
Nangta u ong ruh ba ka America ka riewspah dei namar ba ka don ïa ki lynti syngkien kiba paka bad kumta u ong ba dei tang ka jingbiang ki lynti syngkien kiba bha kiba long ka bynta ba kongsan na ka bynta ban kyntiew ïa ka ïoh ka kot jong ka thain.
“Ngin sa ai jingmut ruh ïa u Myntri Rangbah ban ïa kren bad ka sorkar pdeng na ka bynta ban pynpoi ïaka lynti rel shaduh Baghmara bad ruh shaduh Dhaka,” u la ong.
Tangba, u ong pat ba ka long kaba donkam ban don ïa ki khyrdop talasi kiba biang ban khanglad ïa ka jingrung jingmih kyrthlep ki mynder.