Shillong, Nohprah 01: Ka komiti jied player na bynta ka kynhun ba rangbah (Senior Women Selection Committee) jong ka Meghalaya Cricket Association ka la jied ïa ki 15 ngut ki nongïalehkai bad ki nongïalehkai kiba lah ban bujli (standby) ban mihkhmat ïa ka jylla ha ka BCCI’s Senior Women One Day Trophy, ka ban long ha Haryana naduh ka 04 tarik haduh ka 16 tarik mynta u Nohprah.
ïa ka jingjied ïa ki nongïalehkai yn sa bishar biang hadien ki ar tylli ki jingïalehkai ba nyngkong katkum ka jinglah bad ka jingseisoh jong ki nongïalehkai.
Ka jingïalehkai kaba nyngkong jong ka Jylla Meghalaya kan long pyrshah ïa ka Karnataka ha ka 04 tarik Nohprah, bud sa ka jingïalehkai pyrshah ïa ka Pondicherry ha ka 06 tarik Nohprah.
Ka jingpynkhreh na bynta kane ka lympung la pynlong ha Jagiroad, Assam, naduh ka 17 tarik haduh ka 30 tarik u Naiwieng bad kane ka kynhun ka la mih ban leit sha Haryana hynne ka sngi U Blei.
Ka Debasmita Dutta (C) kan sa ïalam ïa ka kynhun kum ka kapten katba ka Riticia Nongbet (VC) kum ka symbud katen. Kiwei pat ki thei ïalehkai ki ban mih madan ïa ka Meghalaya na bynta kitei ki ar tylli ki jingïalehkai ba sdang ki long: Luiza Tamang, Monica L Phawa (WK), Daiaka E Warjri, Suriti Kumari Ray, Rebeldalis Syiemlieh, Ajima Sangma, Saradafica Kharbani, Reitriki Pohshna, Ankita Sharma, Indariakor Kharwanniang, Neha Hajong, Dubleen Nengnong (WK), Solina Jaba.
Ka thup kyrteng ki player ha ka thup Standby ki long: Ruby Chettri, Deiphibapynshngain L Mawnai, Neelam Roy, Monicable Marbaniang, Anchal Singh.
Nangta ki Support staff ki long: Deepali C Patkar (Head Coach), Mackie D Blah (Assistant Coach), Wandashisha Dkhar (Physio),Darishesha Mawroh (Trainer), Sanvert Kurkalang (Manager).
