Leit kyrpad ki Seng Bhalang ïa u Myntri Rangbah ban phah pyllait noh ïa ki dkhot ba shah kem

Shillong, Nailar 21 : Ka Kynhun ki Sengbhalang na Ri-lum Garo ki la ïakynduh ïa u Myntri Rangbah ka Jylla Conrad K Sangma ha ka sngi U Blei bad buh ïa ka jingkyrpad ba un phah pyllait noh ïa ki dkhot jong ki, kiba shah kem halor ka jingkulmar ba mih ha ka 24 tarik Naitung ha Tura, West Garo Hills.
Kine ki kynhun ki kynthup ïa ka ADE, FKJGP, AYOW, GSU bad ka FAF. Bun ki dkhot jong kine ki seng ki la shah kem halor ka jingsuba donkti bad ka jinghiar thma ïa ka Chief Minister Officer, Tura, katba ka jingïakren hapdeng u Myntri Rangbah bad ki Nongïalam ka ACHIK bad ka GHSMC ka dang ïaid shakhmat.
U President ka ADE West Garo Hills, Dalseng Bira Cheran ula pyntip ba u Myntri Rangbah ka Jylla ula kular baa un sa khmih ïa kane ka kam kham kloi kat kaba lah.
Ula ong ruh ba ka lawei jong ki Dkhot kan sa shah ktah jur bha lada ki dang ïai bteng ban don ha along, bad dei namar kane ka daw ba ki la kyrpad ban phah pyllait noh.