Shillong, Kyllalyngkot 11: U Symbud Myntri Rangbah ka jylla uba dei peit ïa ka tnad kam pynroi sor u ma Sniawbhalang Dhar mynta ka Sngi Palei u la leit jurip ïa ka jingtei ïa ka Wahiajer Multi Sport Complex, West Jaintia Hills ha ka jinglut kaba 25 klur tyngka. Kane ka Sport Complex ka dei kaba nyngkong eh kaba kum kane ka Stadium ha ri lum Jaintia bad yn plie ïa ka da u Myntri Rangbah ka jylla u Conrad K Sangma ha ka 23 tarik Kyllalyngkot 2024.
ïa kane ka projek la bei tyngka lyngba ka State Plan Scheme, Sport Authority of India’s Khelo India Infrastructure Scheme.
ïa kane ka projek la shna da u Artificial Football Turf, Synthetic Athletic Track, Gallery, ki kamra ban bujli ïa ki uniform, ki kamra ophis bad kiwei kiwei.
U ma Sniawbha uba dei u MLA jong katei ka thaiñ u la ong ba kane ka jingleit jurip ka long kum shibynta na ka jingpynkhreh ban plie noh ïa kane ka Sport Complex ha Wahiajer. U la ong ka jingthmu jongka sorkar ban tei ïa kane ka sport complex ka long ban pynshlur ïa ki samla ba kin ïashim bynta ha ka jingïalehkai sport ka ban long kum ka lawei jongka jingim jongki.
“Lyngba kane ka Complex khlem pep kan sei ïa ki samla ki ban mihkhmat ïa ka jylla ym tang ha kane ka thaiñ hynrei wat ïa ka ri India hi hakhmat kiwei ki ri ka pyrthei” ong u ma Sniawbha.
