Jowai, Rymphang 10: Mynta ka sngi ka General Observer ba dei peit ïa ka 1-Nartiang, 3-Raliang bad ka 4-Mowkaiaw Assembly Constituency ka Madhvi Kataria, IAS kala leit ban jurip ïa ki jaka ai training na ka bynta ki nongtrei sorkar ki ban long ki nongpynïaid ïa ka elekshon ha ka sngi thep vote ka ban sa long ha ka 27.2.2023.
Ka jingthmu jong kane ka jingleit jurip jong kane ka Observer ka long ban khmih ïa ka jingshimkhia ba 100 % jong ki nongshah hikai (Polling personnel) bad ruh ban ai mynsiem ïa ki.
Ha kane ka jingjurip ka Madhvi Kataria, IAS ka la ïakren bad kine ki ba shah training kala batai bad ai jingmut ïa ki ba ki dei ban long kiba skhem jingmut haba pynïaid ïa ka elekshon kumjuh ruh ha ba pyndonkam ïa ki Machine.
Ka jingwan poi jong kane General Observer kala ai bor ai mynsiem shisha ïa kine ki kynhun ba shah hikai, ha kaba kila pynpaw ka jingsngewnguh ïa ka jingwan jngoh jong kane ka Observer ïa ki.
