Jowai, K’Lyngkot 31 : Ka East Khasi Hills PM-Poshan Worker Union mynta ka sngi kala pynlong ïaka jingleh burom ïa u Adviser ma Khroo Lamsalanki Pariat, ha ka jingïalang kaba la long ha National Khasi Durbar Hall, Mawkhar bala pynïaid da u bah Mankara Kharjamuti Secretary jong ka seng.La sdang ïa ka jingïalang da ka jingduwai hapoh ka jingïalam jong ka kong Jena Nengnong kaba dei President jong ka East Khasi Hills PM Poshan Worker Union, ha kane ka sngi la wan ban ïadonlang naduh President bad Secretary jong ka All Jaiñtia Mid day Meal Workers Union bad kumjuh ruh na Ri-Bhoi District PM Poshan Worker Union.Na ka liang President jong ka Ri-Bhoi kong Banalis Syiem bad u President jong ka All Jaiñtia Mid Day Meal Workers Union ma Jerry Anderson Suting haba ai jingkren kila ai jingpynshai ha kaba ïa dei bad ki kam jong ki Nongshet ja sngi ha ki skul lyngba ka jingïarap jong u Adviser ma Khroo Lamsalanki Pariat bad la pynwai ïa ka jingïalang da ka jingduwai bad ainguh na u bah Charles Shongwan.
