Jowai, Naiwieng 12: Ka Khasi Students’ Union (KSU), Jowai Circle hadien bala ïoh ka jingud jingnam da ki nongleit nongwan halor ka jingsniew shaba palat jong u Surok Jowai Bye Pass National Highway-6 na (Mihmyntdu-Mukhla) mynta ka sngi 12 tarik u Naiwieng, 2026 kila leit jurip ïaka jinglong jingman jong utei u surok hapoh ka jingïalam jong u General Secretary u samla Nipoi Shadap.
Ha kane ka jingleit jurip ka seng kala lap ba utei u surok ula buh jingma shi katdei eh ïaki paidbah kiba ïaid lynti naduh ki kali rit wat haduh ki kali heh nalor ka jingbun sa ki thliew hapdeng surok, haduh ba la pynlong ïa ki kali ban ïaid na kawei ka liang sha kawei pat (wrong side).
Na ka liang ka KSU-JC kala kyntu jur ïaka sorkar khamtam ïaka tnad PWD ba kan pynbha ne maramot kloi katba lah ïa utei u Surok na ka bynta ka jingshngaiñ jong ki paidbah nongleit nongwan.
