Nongpoh, Jymmang 20: U Dr Celestine Lyngdoh MLA ka Umsning haba kren haka jingïalang paidbah ban pan jingkyrshan naka bynta u Dr DRL Nonglait u kyrtong ka NPP naka bynta ka elekshon shiteng samoi sha ka iing Dorbar thawaiñ ka ri India u la ther tyngeh ba um lah ban ngeit ba tang shu shah thngan kan mih ka surok bad lada tang shu shah thngan ka mih nga ruh ngan shah thngan noh lashai u la ong.
U la pynshai ruh ba ka surok ka mioh namar ba don ka sorkar kaba sngap ïaka jingdawa u paidbah, ka sorkar ka thawlad kumno ban pynioh pisa ban siang rong na Nongpoh sha Umden bad na Umden shaduh Sonapur ba dei ban don ka jingpynmang pisa ym dei tang ka jingshah thngan bad kata ka dei ka sorkar MDA.
U la ong ruh ka sorkar MDA kala leh shibun ki kam ban wanrah ki kam pynroi haka district, mynshuwa ka Ri-Bhoi kam don wat tang kawei ruh ka madan phutbol watla ka pynmih bun ki nonglehkai hynrei ka sorkar MDA kala mang pisa bad mynta ka jingtrei kala jan dep haka shnong Umbuda bad kumjuh ruh ha Pahamsyiem bala wanrah ïaka Synthetic Athletic Track ka ba yn sa pynkhreh ruh ban pdiang ïaka National Games ha katei ka madan bad kata ruh ka kam kala ïaid shaid shaid, phi lah ban wohkjat, kane ka pyni ba ngi don ka riti synshar paidbah ba uno uno u don ka hok ban kren, hynrei kum ki paidbah ki dei ban long kiba stad ban sngap kaei kaba dei bad kaei kaba lait.
