La weng ïa ki lut T. 2000, hynrei yn dang bteng ka jingsam

Ia ka lut T 2000 la pyllait paidbah ha u Naiwieng 2016 hapoh ka Section 24(1) jong ka RBI Act, 1934, ban pynbiang ïa ka jingdonkam pisa ha ka ïoh ka kot ha ka rukom kaba sted hadien ba la weng ïa ki lut T 500 bad T 1000 kiba dang ïaid ha katei ka por. Ka jingthmu ban pyllait ïa ki lut T 2000 ka dei kaba la urlong haba la lah ban pynbiang ïa kine ki lut katkum ka jingdonkam. Kumta, la sangeh ban shon ïa ki lut T 2000 ba thymmai ha u 2018- 19. Bun na ki lut T. 2000 ki dei kiba la pyllait paidbah shuwa u Lber 2017 bad ki la poi sha kaba kut jong ka jingneh jong ki kaba long 4-5 snem. La ïohi ruh ba bun ki bym pyndonkam ïa ka kot T 2000 ha ka jingsiew jingdiah. Shuh shuh, ka jingdon kiwei kiwei ki lut ka long kaba dap ïa ka jingdonkam pisa u paidbah.
Namar kane, bad ha kaba bud ïa ka “Clean Note Policy” jong ka Reserve Bank of India, la rai ban pynsangeh noh ia ka jingpyniaid ia ki lut T. 2000.
l Kaei ka Clean Note Policy?
Kadei ka policy ba la pdiang da ka RBI ban pynthikna ka jingdon ki pisa kiba bha na ka bynta ki paidbah.
l Hato ki lut T. 2000 ki dang ïaid?
Hooid. Ki lut T. 2000 kin dang ïaid
l Hato lah ban pyndonkam ïa ki lut T 2000 na ka bynta ki kam jingsiew
Hooid. Ki paidbah ki lah ban bteng ban pyndonkam ïa ki lut T 2000 na ka bynta ki kam jingsiew jong ki bad kumjuh ruh ban pdiang ïa ki ha ka jingsiew. Hynrei, la pynshlur ïa ki ban thep bad/lane kylliang ïa kine ki lut tyngka ha lane shuwa ka 30 tarik Nailur, 2023.
l Kaei kaba ki paidbah kidei ban leh bad ki lut T 2000 ba don bad ki?
Ki pidbah ki lah ban leit sha ki tnat jong ki bank na ka bynta ban leit thep bad/lane kylliang ïa ki lut T 2000 ba don bad ki
Ka lad ban thep sha ki account bad ban kylliang ïa ki lut T 2000 ka don ha baroh ki bank haduh ka 30 tarik Nailur, 2023. Ka lad ban kylliang ka don ruh ha ki 19 tylli ki Regional Office (RO) jong ka RBI kaba don ia ki Issue Department 1 haduh 30 tarik Nailur, 2023.
l Hato ka don u pud ban thep ïa ki lut T 2000 sha ka bank account?
Ka jingthep sha ki bank account ka lah ban long khlem ki jingpyrkhing da kaba bud ïa ki kyndon Know Your Customer (KYC) ba la don lypa bad kiwei kiwei ki jingdonkam ba ïadei bad ki kyndon bad ki ain
l Hato ka don u pud pyntreikam ha kaba ïadei bad ki lut T 2000 ba lah ban kylliang?
Ki paidbah ki lah ban kylliang ïa ki lut T 2000 haduh u pud T 20,000/- ha ka shisien kyliang.
Hato lah ban kylliang ïa ki lut T 2000 lyngba ki Business Correspondent
· (BC)?
Hooid, lah ban kylliang ïa ki lut T 2000 lyngba ki BC haduh u pud T 4000/- shi sngi na ka bynta u briew ba don account.
l Naduh katno tarik lah ban kylliang?
Ban ai por ïa ki bank ban pynbeit ïa ki jingdonkam, la kyrpad ïa ki paidbah ban leit sha ki tnat jong ki bank lane RO jong ka RBI naduh ka 23 tarik Jymmang, 2023 na ka bynta ban kylliang ïa ki pisa.
l Hato kalong kaba donkam ban long customer jong ka bank ban kylliang ïa ki lut T 2000 na ki tnat bank jong ki?
Em, u bym don account ruh u lah ban kylliang ïa ki lut T 2000 haduh u pud T 20,000/- ha kano kano ka por ha kano kano ka bank.
l Kan long kumno lada don kiba donkam palat T 20,000/- ka pisa na ka bynta ki kam khaii pateng lane kiwei kiwei ki kam
Lah ban thep sha ki account khlem kino kino ki jingpyrkhing. Lah ban thep ïa ki lut T 2000 sha ki bank account bad lah ban sei ïa ki jingdonkam pisa hadien kane, katkum ka jingdon pisa ha account.
1 Ahmedabad, Bangalore, Belapur, Bhopal, Bhubaneswar, Chandigarh, Chennai, Guwahati, Hyderabad, Jaipur, Jammu, Kanpur, Kolkata, Lucknow, Mumbai, Nagpur, New Delhi, Patna bad Thiruvananthapuram
l Hato donkam ban siew ei ei na ka bynta ban kylliang?
Em. Ym donkam ban siew ei ei.
l Hato kan don ki jingpynbeit kyrpang na ka bynta ki tymmen ki kro, ki briew kiba don jingduna ha ki dkhot met bad kiwei kiwei na ka bynta ban kylliang bad thep pisa?
La bthah ïa ki Bank ban don ki jingpynbeit ban pynduna ka jingshem jingeh jong ki tymmen ki kro, ki briew kiba don jingduna ha ki dkhot met bad kiwei kiwei, kiba kwah ban leit thep / kylliang ïa ki lut T2000
l Kaei ka ban jia lada don kiba ym lah ban leit thep/kylliang mardor ïa ki lut T 2000?
Ban pyniaid beit ïaid ryntih ïa ka kam baroh bad na ka bynta ka jingsuk jong u paidbah, la ailad palat saw bnai ban thep/ lane kylliang ia ki lut T 2000. Kumta la pynshlur ia ki paidbah ban shim ïa kane ka lad katkum ka jingsuk jong ki hapoh ka por ba la buh.
l Kaei ka ban jia lada ka bank ka kyntait ban kylliang/pdiang ïa ka jingthep ïa ka lut T 2000?
Ban weng ia ka jingeh haba ym ïoh jingshakri, u nongujor/ u briew ba shem jingeh nyngkong u lah ban leit sha bank ba dei khmih. Lada ka bank kam jubab hapoh ka 30 sngi hadien ba la ujor lane lada u nongujor um sngewhun bad ka jubab ba ai da ka bank, u nongujor u lah ban buh ka jingujor hapoh Reserve Bank – Integrated Ombudsman Scheme (RB-IOS), 2021 ha ka rynsan Complaint Management System jong ka RBI (cms.rbi.org.in).