Nongstoiñ, Rymphang 6: U Deputy Commissioner jong ka West Khasi Hills bah Garod LSN Dykes IAS, u la pyntip ba la thaw ïa ka District Level Grievance Committee, West Khasi Hills District kaba kynthup ïa u Deputy Commissioner kum u Chairman, Superintendent of Police, SDO (Civil) Mawshynrut Sub-Division, District Transport Officer, Divisional Mining Officer bad nongmihkhmat jong ki sengbhalang kum ki Member jong kane ka Committee.
Lada ïoh ïa ki jingujor na kino kino ki briew, ki kynhun briew, ki Association lane Department, kane ka committee kan pynbeit ïa ki jingujor kloi katba lah kata hapoh ka 15 (khatsan) sngi bad ban pynpoi sha ka sorkar lyngba ka Mining & Geology Department man la u bnai.
