La rakhe ia ka sngi kyrpang kiba la noh rta ha Pynursla

Shillong, Risaw 05 : Ka ophis treikam jong ka District Social Welfare Officer, East Khasi Hills District hynnin ka sngi ka la pynlong ia ka jingrakhe ia ka sngi kyrpang kiba la noh ka rta lane ka International Day of Older Persons 2023 halor ka thong “Fulfilling the Promises of the Universal Declaration of Human Rights for Older Persons: Across Generations.”
Ha katei ka prokram la wan ban donlang ruh da ka Kong E Warjri, Sub-Divisional Officer, Pynursla Civil Sub Division, Pynursla kum ka Kongsan ryngkat ka jingdonlang I Kong E. Kharchandy, District Social Welfare Officer, East Khasi Hills District, ki heh sorkar na ka ophis District Medical and Health Officer, East Khasi Hills District, District Child Protection Officer nalor ki riewtymmen riewsan ba dei na ka thain Pynursla.
Ki mat ba kongsan ha kane ka sngi ki kynthup naduh ka jingkren halor ka phang kaba iadei bad ka koit ka khiah ki nongshong shnong ba la noh ka rta lane ka “Maintenance & Welfare of Parents and Senior Citizens Act, 2007”, ka jingai jingsumar eh na ka bynta jong ki bad ruh ka jingsam ia ki jingai sngewbha ia kito ki nongshong shnong kiba la noh ka rta kiba wan shim bynta ha ka jingialang.