La pyndep ïa ki scrutiny jong ki shiphew ngut ki kyrtong na ki ar constituency na East Jaiñtia Hills District

Khliehriat, Rymphang 08: Ki shiphew ngut ki kyrtong ki ban ïakhun na ka 5-Sutnga Saipung bad na ka 6-Khliehriat Constituency mynta ka sngi ki la pyndep ïa ka scrutiny ha ophis u Deputy Commissioner ha Khliehriat, ïa ki kyrtong la wan ban synran lang da ki nongkyrshan jong ki na ki shnong bapher bapher kiba na kitei ki ar tylli ki constituency.
Ki kyrtong kiba n aka 6- Khliehriat Constituency ki kynthup u bah Kyrmen Shylla, u ba ïakhun na ka party United Democratic Party, u bah Nehlang Lyngdoh, na ka party National People’s Party,u bah Damewanhi Rymbai, na ka Voice of the People Party, u bah Suni Bareh, na ka TMC, u bah Bhayes Chyrmang, na ka party BJP bad ka kong Jhanika Siangshai, na ka party Congress. Kiwei pat ki kyrtong kiba ïakhun na ka 5- Sutnga Saipung Constituency, ki kynthup u bah Vincent.H.Pala na ka party Congress, u bah Shitlang Pale, na ka party UDP, u bah Krison Langstang, na ka party BJP bad ka kong Santa Mary Shylla, na ka party NPP.