Jowai :U Deputy Commissioner (Supply), jong ka West Jaiñtia Hills District u la pynbna paidbah ba la pyllait ïa u khaw rashon uba hap hapoh ka NFSA (AAY & PHH) bad ka Non-NFSA na ka bynta u bnai August 2024, yn sdang ban pyllait noh sha baroh ki Fair Price Shop Dealers naduh ka 12th August, 2024 haduh 16th August, 2024.
ïa u khaw AAY yn sam 35 kilo shi ïing shi bnai khlem da don kam ban siew pisa ei ei, ïa u khaw PHH yn sam 5 kilo shi khlieh shi bnai khlem da donkam ban siew pisa ei ei bad ïa u khaw Non- NFSA yn sam 7.215 kilo shi card ha ka dor ba ym palat ïa ka 14/- shi kg.
Kumta, la bthah ïa baroh ki Fair Price Shop Dealers ba ki dei ban leit shim ïa ki permit na ka ophis uba soi kyrteng harum bad ban sam pyndep ïa u khaw hapoh ka 10th September 2024, khlem pep, da ka ba pyndonkam ïa ki E-Pos Machine da ka Online Mode.
