Khliehriat, Rymphang 19 : U Deputy Commissioner (Supply), East Jaiñtia Hills District u pynbna paidbah ba la pyllait ïa u Khaw Ration NFSA na ka bynta u bnai rymphang, 2023 ha East Jaiñtia Hills District, Khliehriat.
Ka jingsam ka long kumne, ïa u khaw AAY yn sam 35 kilo shi ïng shibnai khlem da donkam ban siew eiei , ïa u Khaw PHH yn sam 5 kilo shi khlieh shibnai khlem donkam ban siew eiei , katba ïa u Khaw Non- NFSA pat yn sam 7.215 kilo shi ïing- shibnai haka ka dor die lang ka ba long T 12.00 tyngka shi kilo bad ka dor die Khutia ka bym dei ban palat ïa ka T14.00 tyngka shi kilo.
La kyrpad ïa ki paidbah ba lada ki lap ba ki FPS Dealer hapoh ki center ki shim da ka dor ïa u Khaw ba don ïa ka Card Ration AAY bad PHH lait noh ïa ka Card Ration Non- NFSA kumba la bthah ne kdew haneng , ki dei ban wan ujor sha u Deputy Commissioner (Supply), ka East Jaiñtia Hills District lane phone sha u Toll free No. 1697, lane sha u District Grievances Officer ka East Jaiñtia Hills District.
