Nongpoh, Rymphang 19: Ki riew tymmen shynrang bad kynthei bad kumjuh ruh kiba duna haki dkhot met kila sdang ïaka jingthep vote ha Ri-Bhoi ban jied ïaki nongmihkhmat sha ka ïing Dobar thaw aiñ ka jylla na ki ïing jong ki khnang ba baroh ki nongthep vote kin nym duh lad ban jied ïaki nongmihkhmat.
Kumba long ha Ri-Bhoi District ki don haduh 521 ngut ki riew tymmen bad kiba duna dkhot met kynthei bad shynrang ha kaba naka liang ki ophisar ba pynïaid ïaka elekshon kila leit sha ki shnong bad ki ïing briew ban pynthikna ba baroh ki nongthep vote kin ioh ban shim bynta.
