La plie pyrda ïa ka tamasa sport, Azadi ka Amrit Mahotsav kaba lai sngi jong ki khynnah ha EJHD da u ADC

Khliehriat, Iaiong 26 : Ka tamasa ïalehkai sport kaba lai sngi lynter, kaba hapoh ka Azadi ka Amrit Mahotsav for children, kaba na ka bynta kito ki khynnah kiba don hapoh ki Child Care Institutions ha East Jaiñtia Hills District, ka dang ïaid shakhmat, kaba la sdang naduh mynta ka sngi, ïa kane ka prokram la pynlong da ka ophis jong u District Child Protection Unit, East Jaintia Hills District ha madan Dkhiah West bad la plie ïa kane ka sport da u Addictional Deputy Commissioner, East Jaiñtia Hills District, u bah A.Nongbri, MCS.
Haba kren ha ka jingïalang, kum u kingsan, u bah A,Nongbri u la ong ba ki jingïalehkaisport, ki dei ki jait kilan met kiba biang bha bad kiba ïarap ban kyntiew ïa ka koit ka khiah jong ki khynnah “Kane ka jingïalehkai sport, Children Sports Festival, ka dei ruh ka rynsan ba ki khynnah ki ïoh ban pyni ïa ki sap ki phong bad ki jingleh jong ki, dei hangne ba ïoh ruh ban tip ïa ka jinglah bad ka jingbym lah jong ki” ha kajuh ka por u la ai ruh ka jingkhublei kitok kitrwiang ïa baroh ki khynnah kiba ïa shim bynta ha kane ka rynsan ïalehkai sport ha ki jait jingialehkai sport bapher bapher.
Ka District Child Protection Officer, East Jaiñtia Hills District, ka kong R.Kynjing ka pdiang sngewbha ïa u kongsan u bah A.Nongbri bad kumjuh ruh ïa baroh ki khynnah kynthei bad shynrang kiba la ïa wan ban ïa shim bynta ha kane ka jingïalehkai sport, ka la ong ruh ba kane ka tamasa ïalehkai sport lane ka Childern Sport Festival ka dei kaba la mynjur ne approve da ka National Implementation Committee (NIC) bad ka Ministry of Culture bad la pyntreikam pat da ka Ministry of Women and Child Development kaba hapoh ka Azadi ka Amrit Mahotsav, ka la ong ruh ba ka jingïalehkai sport ka sdang naduh mynta ka sngi ka 26 tarik u ïaïong 2023 bad yn pynkut haduh ka 28 tarik u ïaïong 2023.
Ha ka jingïalehkai sport, kaba la sdang mynta ka sngi ki khynnah kiba na ki Children’s Home, kynthup ki khynnah kynthei bad shynrang ki la ïa shimbynta da ka jingsngew kem ha ki jait jingïalehkai sport bapher bapher ba kynthrup ka jingïamareh kaba 100-meter , ka Relay Race, ka Kabbaddi, ka KhoKho, ka jingïatan tyllai ( Tug of war), ka Dodge ball, ka Cross country race, ka jingïalehkai Basketball, Football bad ki Indoor game.
La sdang ïa kane ka tamasa ïalehkai sport da ka jingïa mareh kaba 100 mitar, ka Relay Race, Kabbaddi, KhoKho, ka ïatan tyllaiT(ug of war), ka Dodge ball, ka jingïakynthih Long Jump. Ha kane ka sngi la sam ruh ïa ki medal sha kito ki khynnah kiba jop.