Shillong, Naitung 27: Ïa ka metïap jong uwei u briew uba la jah rngai la kumba ar taïew la lap ha Mylliem ha ka sngi Nyngkong, ïathuh ki pulit.
Na ka liang u Superintendent of Police ka East Khasi Hills, Bah Vivek Syiem u la ong ba ïa uba la khlad la ithuh kum u M. Kurkalang, bad ïa ka metïap la sei na ka jaka kaba la tip kum ka 12 Mer da ka jingïarap jong ka State Rescue Team (SRT).
“Ngi la register ïa ka Unnatural Death (UD) case. Une u briew u la mih na ïing ban leit trei hynrei um shym la wanphai shuh,” ong u Syiem.
U SP u la ong ruh ba ki bahaïing jong uba la khlad kim don kano kano ka jingsuba ba don mano mano ba donkti ha ka jingïap jong u.“Ki bahaïing kim suba ïa uno uno bad ki la pan ban ym leh post-mortem ïa ka metïap,” u la bynrap.
Ki Pulit ki la ong ba ki jingdonkam katkum ka aiñ ki dang ïaid shakhmat hadien ba la lap ïa ka metïap.
