Shillong, Naitung 27: Ka District Level Committee on Ground Water Resource (DLCGWR) jong ka South West Garo Hills, ka la bthah ïa baroh ki riew paidbah bad ïa ki jaka pule ne ki kynhun kiba don ïa ki pukri um ba ki dei ban register bad ka ophis jong u Executive Engineer (Water Resources), South West Garo Hills Division, Ampati, mardor.
Kane ka jingphah register ïa ki pukri um ka long ban sngewthuh ïa ka jingdon ka um hapoh meiram-ew bad ha ka juh ka por ban pyndonkam ïa ka um hapoh khyndew ha South West Garo Hills District.
Kat kum ka jingthoh kaba la pynmih na ophis u Executive Engineer (Water Resources) ba dei ruh Member Secretary, DLCGWR, ba kino kino kiba don ïa ki pukri um ki dei ban ai ïa ki kot ki sla kiba donkam haba register ha ka ophis jong u Executive Engineer (Water Resources), Ampati.
Ka ophis jong ka District Level Committee ka la kren shai ruh ba baroh donkam ban register ïa ki pukri um bad lada don kiba khlem leit ban register kin ngat ha ka jingshah pynshitom katkum ki kyndon jong ka aiñ.
Ka committee ka kyntu ïa baroh ki riew shimet bad ki jaka pule ne ki kynhun bad kin pyndep kloi ban register khnang ban lah kumno ban peit thuh ïa ka jingdon ka um hapoh meiramew bad ha kajuh ka por ban pynïaid katkum ki kyndon aiñ ïa ki rukom treikam jong ki.
