Khliehriat, Naiwieng 12: Ka National People Party East Jaiñtia Hills District, hynnin ka sngi ka la pynlong ïa ka jingïalang paidbah ha shnong Saipung, ha kaba la ioh ban jied ïa ki nongkitkam ba thymmai jong ka NPP Saipung Circle bad la pynskhem ïa ki da ka kyrtong ka NPP na Sutnga Saipung constituency, ka kong Santa Mary Shylla.
Ki nongïalam ba la jied bad pynskhem, ki kynthup u President, u Renga Ngamlai, Vice President, u bah Ngailiana Thiete, General Secretary, Zodin Thara Ngiarsiang, Assistant Secretary, Sangpuia Nampui, la jied ruh ia kiAdviser ba kynthup, MoyaDaenei , uba dei u MDC ba rim, Josiama Thianglai, William Thiete bad u Lalzoma Ngaite.
Kiba la ïa don ryngkat lang ha kane ka jingïalang, ki long u MDC jong ka Sutnga-Narwan, u bah Seibor Shadap, u MDC ba rim jong ka Bataw, u bah Joinriwell Pyrtuh, lem bad ki nongkitkam jong ka NPP Sumer Circle bad kiwei kiwei.
