Ujor ki President bad Secretary ki VEC kyrshanlang ka Achik State Peoples’ Front
Ym thikna ka jingtreikam u BDO ha Songsak
Shillong, Risaw 25: Ka A·chik State Peoples’ Front (ASPF) ka la ai ka jingkyrshan ïa ka jingujor lang kaba la mudui da ki VEC President bad ki Secretary jong ka Songsak C&RD Block, East Garo Hills, halor ka jingtreikam bym thikna jong ka ophis jong ka Block.
Ha ka jingai jingmut sha u commissioner bad secretary ka C&RD, ka general secretary ka ASPF ka Bernita Marak ka la pynpaw ba u BDO ba mynta ka Songsak uba dei u doktor Veterinary u la bat ïa ka jingshah sumar ba la bynrap la palat ar snem, kaba long pyrshah ïa ki kyndon jong ka sorkar kiba bthah ban mynjur ban shah sumar palat ïa ka 90 sngi bad kaba ju long ym palat ïa ka hynriew bnai.
Ka la kynnoh shuh shuh ba ïa ki rai jong ka VEC bad Gram Sabha na ka bynta ki kam kum ki surok CC pavement la pynkylla sha ki paver block kiba rem dor khlem ka jingmynjur, kaba wanrah ïa ki kam ki bym biang bad pynkheiñ ïa ka kyndon 16 jong ka aiñ MGNREGA bad ka Para 7.1 jong ki jingbthah.
Halor ka jinglong jingman ha ka liang ka pisa tyngka, ka ASPF ka la ong ba ka dor jong ka jingshna surok CC ka long haduh 850 tyngka shi sqm katkum ka SoR jong ka PWD pyrshah ïa ka paver block kaba long T.1500 haduh 1600 shi sqm, bad ka jingkylla ïa ki jingbthah hapoh kajuh ka jingmynjur jong ka bor synshar ka pynmih ïa ki jingsngewkhia.
Ka la kynnoh ruh ba ki VEC Secretary kiba pyrshah ïa kane ka jingpynkylla ki la shah byrngem da ka ktien ba yn ot noh ïa ka bynta jong ki marpoh khyndew, kaba long kum ka jingleh bymsuidñiew katkum ka Meghalaya Civil Services (Conduct) Rules, 1991.
Da kaba pynpaw ba ka jingsiew arsien bad ka jingbym don beit ka la ktah ïa ka jingpyntreikam ïa ki kot ki sla, ka jingsiew ïa ka bainong bad ki bill jong ki tiar, ka ASPF ka la pan ban thung mardor ïa u BDO ba pura ha Songsak, ban pynphai biang ïa u nongmihkhmat ba mynta sha ka tnad kmie jong u, ka jingtohkit halor ka jingkylla jong ki jingbthah treikam bad ka jingpyntieng pynsmiej, bad ka jingbthah ban pynthikna ïa ki tiar ba shai. 15 sngi jong ka jingpynrung BDO ba man ka por.