Shillong, Rymphang 14 : Ka sorkar jylla kal a dep pynwai ïa ka Meghalaya State Commission for Women (MSCW) naduh ka 18 tarik Kyllalyngkot 2023.
ïa kane la pyntip da u Commissioner bad Secretary ba peit ïa ka tnad Social Welfare u Pravin Bakshi ha ka jingpynmih ïaka jingpynbna mynta ka sngi.
Ha kaba ïadei bad ka shithi kaba kat kum ka 31 tarik Kyllalyngkot 2023 na ka ophis u Myntri Rangbah ka por jongka MSCW kaba la thung naaduh ka 15 tarik Nohprah 2021 la pynwai noh naduh ka 18 tarik Kyllalyngkot 2023.
La pynmih ïa kane ka jingpynbna hadien ba ka Chairperson jongka MSCW ka kong Phidalia Toi ka la shah pan jingpynshai ne jubab ha ka ECI halor ka jingkynnoh ba ka la pynkheiñ ïa ka Model Code of Conduct da kaba ïashim bynta ha ka jingïaïaid paidbah ha ka sngi thep kyrteng u kyrtong ka NPP u ma Wailadmiki Shylla ha Jowai dang shen.
ïa kane ka jingpan jubab la phah sha ka kong Phidalia da u Returning Officer ka Jowai bad la bthah ba kan jubab hapoh 2 sngi.
