Shillong, Jymmang 01: U Public Relations Officer, NEIGRIHMS u la pyntip ba u Shanta Bahadur ba la 70 snem ka rta u la khlad noh ha NEIGRIHMS, Shillong ha ka 6 tarik u bnai Rymphang, 2025 bad ïa ka metïap jong u la buh hapoh ka jaka buh metïap ne ka mortuary jong ka tnat Forensic Medicine.
La ong ba na ka liang kane ka jaka sumar ka la ïai kyrpad manla ka por ïa ki bahaïing jong u ba kin wan shim noh ïa ka met jong u. Hynrei haduh mynta ym don na ki bahaïing ne ki briew kiba ithuh ïa u ba kin wan ban kam ïa kane ka metïap.
Kumta na ka liang ki bor pynïaid jong ka NEIGRIHMS namar kata ki la pyntip ïa baroh kiba ithuh ne ki bahaïing ba kin wan kam noh ïa kane ka metïap hapoh ki 48 kynta naduh ba la pynmih ïa kane ka jingpynbna bad lada ym don kiba wan kam ïa ka met jong u yn pyndonkam noh na ka bynta ka jingthmu ha ka pule puthi kaba long katkum ka Meghalaya Anatomical Act 2017 khlem da pynbna shuh.
Ban kam ïa kane ka metïap ki bahaïing ki dei ban phone ha Dr. Daunipaia Slong, Additional Professor, Department of Forensic Medicine, NEIGRIHMS ha u nombar 9863957224 ne ba kin leit sha ka mortuary jong ka NEIGRIHMS.
