Kyllon ïap ar ngut ki nongtuh kali ba shah ther kuli ha ki pulit ha Markadala, Sonapur kurup 2 tylli ki tiar siat

Nongpoh, Nailur 03: Ar ngut ki nongtuh kali kila kyllon iap haka step phyrngap jong ka sngi Palei ha Markadala, haka jingïather kuli bad ki pulit Assam haka thaiñ Sonapur, Assam.
Katkum ka jingtip bala ioh lum la ong ba ki pulit hadien ka jingtip ba thikna kila buddien ïa kawei ka kali Tata kaba dei ka trok rit kaba don ïa u number AS 01 KC 3128 kaba la kynnoh shah tuh na Panbazar, Guwahati.
Haka jingbuddien ki pulit, kala don ka jingïather kuli ba mar kylliang ha Markadala haka thaiñ Sonapur bad ar ngut kitei ki nongtuh kila kyllon iap bala tip kyrteng kum u Saidul Alam Laskar (40) bad u Babul Singh (54).
Ki pulit kila kurup ruh ar tylli ki pistol, ki mobile phone bad kiwei kiwei ki tiar bala pyndonkam ban tuh kali bad ïaka met jong kitei ki ar ngut la rah sha Sonapur District Hospital bad ka jingtohkit ka dang ïaid shakhmat ban lapdien shuh shuh ïa kiwei kiba donkti ha ka kam tuh kali.