Kut noh ka jingïalang thir nia ka CPGA-AS ban kyntiew ïa ki kam rep ki nongrep ha North East

0

Nongpoh, K’lyngkot 17: Ka National Conference ba ar sngi lynter halor ka phang, “Enhancing Agricultural Growth with Special Reference to North India: Synergizing Industry and Scientific Innovations for Demand-Driven Crop Improvement” la pynkut noh mynta ka sngi da ka jingwan shim bynta naduh ki scientist, ki nongwad bniah, ki samla pule bad kiwei kiwei ki riew shemphang ha ka rep ka riang.
Kane ka National Conference la pynlong da ka CPGSAS Umïam Meghalaya, ha kaba ka thong ka long ban bteng ïa kata ka jingïakhun ba radbah ban peit kyrpang ïa ki jingthung jingtep ba rep ki nongrep bad ruh ban ban thaw ïa ki lad ki lynti ban pynïaid iew bad ban ïoh jingmyntoi ki nongrep jong ki jylla shatei lam mihngi ka ri India.
Ïa kane ka jingpynhap pyrda noh ïa ka National Conference la shim bynta da u Dr. V.K Mishra, Director ka ICAR, RC Nalong kum u kongsan bad la sakhi lang ruh da ka jingdon lang ki riew shemphang ha ka kam rep ba kynthup ïa u Prof. K. Noren Singh, Secretary EAG-2025, Dr. V. K. Khanna, u Dean barim ka CPGSAS, Umïam, u Prof. Ram Singh, Dean, ka CoA, Kyrdemkulai, u Prof. B. N. Hazarika, u Dean, College ka Horticulture, Pasighat, u Prof. D. Thakuria, Dean, ka CPGSAS, Umïam, u Dr. A. Pattanayak, Director barim ka Vivekananda Parvatiya Krishi Anusandhan, Almora lem bad kiwei.
Haba kren ha kane ka sngi, u Dr. V. K. Mishra, u la kren halor ki lad ki lynti kumno ban peit kyrpang ïa ki jaid jingthung bapher bapher ki nongrep, kaba long ka thong ban pyndap bam ïa ki paidbah ka ri, ban kyntiew ïa ka ïoh ka kot ki nongrep bad ruh ban wad ïa ki lad ki lynti halor ka jingshah ktah ki jingthung na ka jingkylla ka bor mariang.
Shuh shuh, u la kren ruh halor ka jingdonkam ban don kata ka jingïatrei lang, na ka bynta ban pyndonnkam ïa ki kor ki bor ka juk stad ba mynta bad ruh ka jingïatylli lang ki nongrep ban ïa khun ïa ka jingeh ki nongrep, khnang ba ki nongrep kin dup ïoh jingmyntoi lyngba ka kam rep ka kam riang ha ki jylla shatei lam mihngi ka ri India bad ha ka ri India hi baroh kawei, u la bynrap.

Leave A Reply

Your email address will not be published.