Shillong, Nailar, 12: Ki shipai BSF jong ka 181 Battalion ha ka sngi Thohdieng ki la ïoh kurup ïa ki dawai kiba shongdor T. 3,74, 000 lak na khappud.
Kane ka kynhun shipai ïada khappud kaba la ïoh jingtip kaba bniah na ki tnat syntiat ka la pynlong ïa ka jingkhynra ha khappud jong ka South Garo Hills district bad pynpulum ïa ka jingthmu jong ki snar khaii tuh ban shalan be-aiñ ïa kine ki dawai sha u pud u sam jong ka ri Bangladesh.
Ïa kine ki dawai ba la ïoh kurup la aiti noh sha ka ophis Custom ban leh ïa kaba donkam katkum ki kyndon jong ka aiñ.
