Shillong Naitung 10: Ha kaba iadei bad ka jingpyntreikam ïa ka aiñ ïathoh shong kurim na ka liang ka National Commission for Minorities ka la pynlong ïa ka jingïalang bad ki 18 tylli ki jylla bad ki Union territory ban ïasyllok ïa ka jingpyntreikam bad ka registration of marriages jong ki jaitbynriew Sikh kaba hapoh ka Anand Marriage Act.
Ïa ka jingïalang la pynïaid da u National Commission for Minorities chairman u Iqbal Singh Lalpura.
Ha ka jingïalang, la pyntip ba ka jylla Meghalaya, Jharkhand bad Maharashtra ki la pyntreikam ïa ka Anand Marriage Act ha la ki jong ki jylla jong ki.
Katba kiwei ki jylla ki la pyntip ha ka jingïalang ba ki la pynthikna ba kin pyntreikam noh ïa ka Act hapoh ka 2 ne 3 bnai eiei.
